MATCO oo daahfurta baabuurka Zuzuki iyo Jac

Post by Admin, Dec 19, 2022.

Hargeisa [Telesom] MATCO  oo hoos timaada Telesom Group ayaa daah furtay gaadiid casri ah oo ay dalka keentay.

Waxaana munaasibadan kasoo qayb-galay Wasiiro kala duwan oo ka tirsan xukuumadda Somaliland, Masuuliyiinta sare ee Telesom group, ganacsato iy marti sharaf kale. Ugu horreyna waxa halkaasi ka hadlay guddoomiyaha shirkadda MATCO C/risaaq Axmed Warsame (Dhabayaco) oo faahfaahin ka bixiyay aasaaski shirkadda MATCO.

Masuuliyiinta kale ee halkaa ka hadlay waxaa ka mid ahaa C/risaaq C/raxmaan Gadhyare isagoo faahfaahin dheeraada ka bixiyay gaadiidka casriga ee shirkadda MATCO keentay. Waxa kale oo kadlay guddoomiyaha Telesom group Faarax Sugaal oo ku dheeraday taariikhda Zuzuki iyo Jac. Dhanka kale waxa iyaguna halkaa hadalo kala duwan ka jeediyay masuuliyiintii kale ee kasoo qaybgalay xafladan. Sidoo kale waxa halkaa gaadhi Zuzuki ah lagu guddoonsiiyay Wasiirka maalgashiga Aamina Fariid.